ബെംഗളൂരു: കർണാടക സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ (കെഎസ്ആർടിസി) ഇന്റർസിറ്റി റൂട്ടുകളിൽ ആദ്യമായി എസി ഇലക്ട്രിക് ബസുകൾ ഓടിക്കും. കേന്ദ്ര സർക്കാരിന്റെ ഫാസ്റ്റർ അഡോപ്ഷൻ ആൻഡ് മാനുഫാക്ചറിംഗ് ഓഫ് ഇലക്ട്രിക് വെഹിക്കിൾസ് (ഫെയിം) പദ്ധതിക്ക് കീഴിൽ കോർപ്പറേഷൻ ഇത്തരത്തിലുള്ള 50 എസി ബസുകൾ സർവീസ് നടത്തും. ബെംഗളൂരുവിൽ നിന്ന് മൈസൂരു, മടിക്കേരി, വിരാജ്പേട്ട്, ചിക്കമംഗളൂരു, ദാവൻഗരെ, ശിവമോഗ എന്നിവിടങ്ങളിലേക്കാണ് ഇന്റർ സിറ്റി എസി ബസുകൾ സർവീസ് നടത്തുക.
10 വർഷത്തേക്ക് ഗ്രോസ് കോസ്റ്റ് കരാർ (ജിസിസി) പ്രകാരം ഒരു സ്വകാര്യ ഓപ്പറേറ്ററാണ് ബസുകൾ പ്രവർത്തിപ്പിക്കുക. സ്വകാര്യ ഓപ്പറേറ്റർക്ക് കിലോമീറ്ററിന് 55 രൂപ പ്രവർത്തനച്ചെലവായി കെഎസ്ആർടിസി നൽകും. ഹൈദരാബാദ് ആസ്ഥാനമായുള്ള ഇലക്ട്രിക് ബസ് നിർമ്മാതാവാണ് ബസുകൾ ഓടിക്കാൻ തിരഞ്ഞെടുത്തതെന്ന് പ്രമുഖ മാധ്യമങ്ങൾ റിപ്പോർട്ട് ചെയ്യുന്നു. ഡിസംബർ അവസാനത്തോടെ ഒരു ബസ് പ്രോട്ടോടൈപ്പ് എത്തുമെന്നാണ് പ്രതീക്ഷിക്കുന്നത്, അതിനുശേഷം ഘട്ടം ഘട്ടമായുള്ള സർവീസുകൾ നടക്കും.
ബസുകൾ പ്രവർത്തിപ്പിക്കുന്നത് എളുപ്പമാക്കുന്നതിന്, ഈ ബസുകൾ സർവീസ് നടത്തുന്ന നഗരങ്ങളിലെ മജസ്റ്റിക്, ഡിപ്പോകൾ ഉൾപ്പെടെ നിരവധി സ്ഥലങ്ങളിൽ ചാർജിംഗ് ഇൻഫ്രാസ്ട്രക്ചർ സ്ഥാപിക്കും. ഒരു തവണ ചാർജ് ചെയ്താൽ ഇലക്ട്രിക് ബസുകൾക്ക് 250 കിലോമീറ്റർ വരെ സഞ്ചരിക്കാനാകുമെന്നാണ് റിപ്പോർട്ട്. പ്രതിദിന പ്രവർത്തന ദൂരം 450 കിലോമീറ്ററാണ്. ഇ-ബസുകളുടെ ഉപയോഗത്തിനായി 250 കിലോമീറ്ററിനുള്ളിലെ ജനപ്രിയ റൂട്ടുകൾ കമ്പനി കണ്ടെത്തിയിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
